Մինսկի խումբի համանախագահող երկրի՝ Ֆրանսայի Հանրապետութեան կառավարութեան  Արցախի Հանրապետութեան,  ատրպէյճանական զաւթիչներու կողմէ բռնազաւթուած բնակավայրերէն  Հայաստանի Հանրապետութիւն ապաստանած, փախստականներու հասարրակական կազմակերպութիւններու լիազորուած ներկայացուցիչներու միացեալ դիմումը.

Դիմում 

 Օգտուելով 44 օրեայ պատերազմի հետեւանքով որոշակի ուժերու կողմէ ստեղծուած Մինսկի խումբի համանախագահող երկիրներու գործունէութեան արհեստական խոչընդոտներէն, ֆաշիստական Ատրպէյճանը նոր ռազմական զաւթումներ սկսած է Արցախի Հանրապետութեան բնակավայրերուն նկատմամբ: Այն մեր կողմէ կը գնահատուի, որպէս Հայերու նկատմամաբ շուրջ մէկ դար իրագործուող ցեղասպանութեան շարունակութիւն: Անոր մասին կը վկայեն առկայ բազում զոհերը եւ վիրաւորները խաղաղ հայ ազգաբնակչութեան շրջանին, որ տարօրինակ կերպով կը թաքցուի  նոյնիսկ ՀՀ կառավարութեան կողմէ: Տպաւորութիւն կայ, թէ  ռուս խաղապահները չտեսնելու կու տան ատրպէյճական զաւթիչներու անօրէն զաւթումները Արցախի Հանրապետութեան տարածքին: Հայութիւնը կանգնած է ի սպառ ցեղասպանուելու վտանգին առջեւ: Որպէս համանախագահող , ինչպէս նաեւ ժողովրդավար երկիր, Ֆրանսա բազմիցս իր արդար ձայնը բարձրացուցած է ի պաշտպանութիւն արցախահայութեան ինքնորոշման իրաւունքին: 

    Կը խնդրենք համանախագահող Ֆրանսայի Հանրապետութեան կառավարութենէն ֆրանսական խաղաղարար ուժեր  մտցնել Արցախի Հանրապետութեան տարածք՝ Հայաստանի Հանրապետութեան հետ Արցախի Հանրապետութիւնը կապող միակ «Կեանքի ճանապարհ»ի՝ Բերձորի ճանապարհի անվտանգութիւնը ատրպէյճանական զաւթիչներէն պաշտպանելու համար:

   Յարգանքներով՝ Արցախի Հանրապետութեան ատրպէյճանական զաւթիչներու կողմէ զաւթուած բնակավայրերու փախստականներու հասարակական կազմակերպութիւններու լիազորուած ներկայացուցիչներ:

Արեւմտեան Հայաստանը տեւական ժամանակ է, որ կը զբաղի Արցախի բնիկ ժողովուրդի իրաւունքներու պաշտպանութեամբ եւ ձեռնարկած է համապատասխան միջոցներ գործողութիւններու կազմակերպման ուղղութեամբ։