Երիտասարդ ախոյեան, ծնունդով Ջաւախքի Էխթիլա գիւղէն Արտիոմ Քամալեան սկսած է կռփամարտով զբաղիլ 8 տարեկանէն, ան այժմ 19 տարեկան է եւ հասցուցած է բազմաթիւ յաղթանակներ տօնել՝ ինչպէս Վրաստանիկ մէջ, այնպէս ալ երկրի սահմաններէն դուրս:

Արտիոմ 17 տարեկանին նուաճած է Եւրոպայի, այնուհետեւ՝ աշխարհի ախոյեանի տիտղոսը, իսկ այս տարի նուաճած է Մերձբալթեան երկիրներու ախոյեանի տիտղոսը։ «Երբեք չէի պատկերացներ, որ պիտի դառնամ աշխարհի ախոյեան, այս աննկարագրելի զգացում է, անբացատրելի ապրումներ», – ըսած է Արտիոմ։ 

Արտիոմ մարմնակրթութեան իր յաջողութիւններով հայրիկին կը պարտի։ 

«Փոքր ժամանակ, երբ նոր կը յաճակէի մարզումներու, դժուար էր, չէի ուզեր երթալ, մէկ տարիէն աւելի ստիպողաբար գացած եմ։ Յետոյ տարիներու ընթացքին հասկցայ, որ մարզանքը մեծ կարեւորութիւն ունի։ Հիմա ես ինչի որ հասած եմ, պարտական եմ ծնողներուս», – ըսած է Արտիոմ։ Արտիոմ իր առաջին յաղթանակը տօնած է 8 տարեկանին։ Այսօր անոր նպատակն է մեծահասակներու շրջանին մէջ դառնալ աշխարհի ախոյեան։ 

Արեւմտեան Հայաստանը կը շնորհաւորէ Արտիոմ Քամալեանը գրանցած յաջողութիւններուն համար։