Այս տարի կը լրանայ Շուշիի «Վարանդա» երգչախումբի հիմնադրման 30-ամեակը։ Այդ առթիւ երգչախումբը հանդէս պիտի գայ համերգային ծրագիրով: Այս օրերուն երգչախումբի սաները Ստեփանակերտի Սայեաթ-Նովայի անուան երաժշտական ուսումնարանին մէջ սկսած են նախահամերգային փորձերը:

«Վարանդա» մանկական, պատանեկան եւ երիտասարդական պետական երգչախումբի գեղարուեստական ղեկավար եւ խմբավար Զաքար Քեշիշեան նշեց, որ պատերազմէն ետք երգչախումբի տնօրինութիւնը գործունէութիւնը շարունակելու նոր ձեւաչափ ընտրեց, այն է՝ հանդէս գալ բազմաբնոյթ համերգաշարերով: 

«Անցեալ տարի ԱՀ Կրթութեան, գիտութեան, մշակոյթի եւ մարմնակրթութեան նախարարութեան հետ համատեղ կեանքի կոչեցինք «Երգող Արցախ» երգչախմբային ծրագիրը, որուն կը մասնակցին Շուշիի, Հադրութի, Ստեփանակերտի երեխաները: Համերգային ծրագիրի մեկնարկը պիտի տրուի Սեպտեմբերի 5-ին՝ Ստեփանակերտի Մշակոյթի եւ երիտասարդութեան պալատին մէջ: Սեպտեմբերի 10-ին, ժամը 19:00-ին տեղի պիտի ունենայ նաեւ պաշտօնական համերգ»,- ըսած է Զ. Քեշիշեան: