Հայկական կողմի նախաձեռնութեամբ Վլատիմիր Փութին հեռախօսազրոյց ունեցած է ՀՀ վարչապետ Նիկոլ Փաշինեանի հետ:

Այս մասին կը տեղեկանանք Քրեմլինի պաշտօնական կայքէն։

Երկու երկիրներու ղեկավարները շարունակած են քննարկել Արցախի շուրջ իրավիճակը։

 «Վերահաստատուած է Ռուսիոյ, Հայաստանի եւ Ատրպէյճանի ղեկավարներու` 2020-ի Նոյեմբերի 9-ի, 2021-ի Յունուարի 11-ի եւ Նոյեմբերի 26-ի եռակողմ պայմանաւորուածութիւններու հետեւողական իրականացման կարեւորութիւնը: Ընդգծուած է ռուսական խաղաղապահ զօրակազմին դերը տարածաշրջանին մէջ կայունութեան ապահովման գործին մէջ»,– նշուած է հաղորդագրութեան մէջ։

Փաշինեան եւ Փութին հեռախօսազրոյցի ընթացին անդրադարձ կատարած են Ռուսիոյ եւ Հայաստանի ռազմավարական գործընկերութեան եւ դաշնակցային յարաբերութիւններու յետագայ զարգացման որոշ արդիական հարցերուն:

Արեւմտեան Հայաստանը ոչ մէկ պարագայի կ’ընդունի հայկական հողերու զիջումը բռնազաւթիչ Ատրպէյճանին, անկախ ստորագրուած որեւէ համաձայնագիրէ։ Անոնք բնիկ հայկական տարածքներ են, որոնք 1990-ական թուականներուն ազատագրուեցան ողջ հայութեան ջանքերուն շնորհիւ։