Արեւմտեան Հայաստանի ամենաբարձր լերան՝ Արարատ լերան գագաթը գտնուող սառցադաշտերը օր օրի հալելով, կը շարունակեն փոքրանալ։ Համաշխարհային տաքացումը, որ իր ազդեցութեան տակ կը պահէ աշխարհը, աշխոյժ է նաեւ Արեւմտեան Հայաստանի մէջ, որուն ազդեցութիւնը կը կրէ նաեւ Արարատ լեռը։

Լերան վրայ ամէն տարի կը հաւաքուին լեռնագնացներու խումբեր եւ զբօսաշրջիկներ ամբողջ աշխարհէն, սակայն աշխոյժ ձնհալը կրնայ լրջօրէն ազդել  լեռնագնացներու գործունէութեան վրայ՝ առաջացանելով բարդութիւններ  մագլցելու ընթացքին։

Սառցադաշտերու հալոցքի հետեւանքով հնարաւոր սողանքներու մտավախութիւնը  հանգիստ չի տար տեղի բնակիչներուն։

Յատկապէս լերան հարաւային լանջին սառցադաշտերը զգալիօրէն հալած են եւ նահանջած դէպի գագաթ։ Սառցադաշտերն աւելի առատ են հիւսիսային լանջերուն։ Սակայն ընդհանուր առմամբ նուազման լուրջ հաւանականութիւն կայ։ Վերջին տարիներուն իրականացուած որոշ ակադեմիական ուսումնասիրութիւններ կը վկայեն Արարատ լերան սառցադաշտային ծածկոյթի զգալի անկման փաստը։ 2000-ականներու սկիզբէն այդ տարբերութիւնը յստակ կերպով կ’երեւի։