Ամերիկայի Միացեալ Նահանգները հետաքրքրուած է տարածաշրջանով եւ տարածաշրջանային խաղացողներուն հետ մրցակցութեան մէջ է։ Այս մասին ֆէյսպուքեան իր էջին գրած է միջազգայնագէտ Սուրէն Սարգսեան՝ անդրադառնալով Ֆիլիփ Ռիքըրի՝ Կովկասեան բանակցութիւններուն մէջ ԱՄՆ ներկայացուցիչ նշանակուելուն։ 

Սարգսեան մասնաւորապէս գրած է. «Փոփոխութիւն Մինսկի խումբին մէջ. Ֆիլիփ Ռիքըր նշանակուած է Կովկասեան բանակցութիւններուն մէջ ԱՄՆ ներկայացուցիչ: Նորանշանակ դեսպանը ոչ միայն պիտի ըլլայ Մինսկի խումբի համանախագահ, այլեւ պիտի աշխատի «Ժնեւեան միջազգային քննարկումներու» ձեւաչափին  մէջ, որպէս ԱՄՆ ներկայացուցիչ: Ընդհանրապէս, ամերիկեան հետաքրքրութիւնը պայմանաւորուած է տարածաշրջանով եւ տարածաշրջանային խաղացողներուն հետ մրցակցութեամբ։ Հարաւային Կովկասն աշխարհագրօրէն տեղակայուած է ԱՄՆ վաղեմի հակառակորդ Իրանի հարեւանութեամբ, ռազմավարական դաշնակից եւ ՆԱԹՕ-ի առանցքային անդամ Թուրքիոյ հարեւանութեամբ, ինչպէս նաեւ պատմական մրցակից եւ հիմնական հակառակորդ Ռուսիոյ հարեւանութեամբ։ Այս մէկը ամէն բան կը բացատրէ:

Իսկ այս նշանակումը ուղղակիօրէն կը հաստատէ վերոշարադրեալը»։