Բիւզանդական ուսումնասիրութիւններու Հայ ազգային կոմիտէն հանդէս եկած է յատուկ կոչով, ուր մասնաւորապէս նշուած է․

«Յարգելիˊ գործընկերներ, Բիւզանդական հետազօտութիւններու Հայ ազգային կոմիտէի անդամները կը դիմեն Բիւզանդական ուսումնասիրութիւններու միջազգային ընկերութեան (L’Association Internationale des Études Byzantines) եւ Ազգային բոլոր կոմիտէներուն՝ իրենց համախոհութիւնը յայտնելու ԵՈՒՆԷՍՔՕ-ի կողմէ վերջերս հրապարակուած յայտարարութեան, որ կը միտի պահպանել Լեռնային Ղարաբաղի տարածքի պատմական յուշարձանները։ Յոյսով ենք, որ մեր յայտարարութիւնը կրնայ նպաստել այս տարածքին մէջ հնագոյն եւ միջնադարեան յուշարձաններու պահպանութեան մշտադիտարկման, որոնց մէկ մասը 2020 թուականի պատերազմի հետեւանքով անցած է Ատրպէյճանի վերահսկողութեան տակ։ Ատրպէյճանի կողմէ վերահսկուող տարածքներուն մէջ հայկական յուշարձաններու միտումնաւոր ոչնչացման բազմաթիւ դէպքերու լոյսի ներքոյ Լեռնային Ղարաբաղի հարուստ պատմական ժառանգութիւնը անմիջական վտանգի տակ կը գտնուի։ Ուստի կոչ կ’ուղղենք ձեր ձայնը բարձրացնել Լեռնային Ղարաբաղի տարածքին հայկական մշակոյթի հազարամեայ գոյութեան վկայութիւններու ոչնչացման դէմ։ Թող մեր ձայնը հնչէ առնուազն նոյնքան բարձր, որքան 2020 թուականին Այա Սոֆիայի կարգավիճակի փոփոխութեան դէմ հնչած է։

Յիշեցնենք, որ 2020 թուականի Արցախեան 44-օրեայ պատերազմէն ետք, Ատրպէյճան բռնազաւթած է հայկական  շարք մը տարածքներ, ուր առկայ պատմամշակությաին կոթողները այժմ լուրջ վտանգի տակ են։ Քանի մը պատմական յուշարձաններ՝ այդ թուին մէկ եկեղեցի հիմնայատակ աւերուած է ատրպէյճանցի հրոսակներու ձեռքով, իսկ միւսերը իրենց ճարտարապետական խեղաթիւրումով կը փորձեն ներկայացնել որպէս այլ ազգերու պատկանող