Երկշաբթեայ արձակուրդէ ետք Օգոստոսի 24-ին տեղի ունեցաւ Արեւմտեան Հայաստանի Ազգային ժողովի 30-րդ նիստը։ Նիստին կը մասնակցէին պատգամաւորներ տարբեր երկիրներէ։ Քննարկուեցան արտաքին եւ ներքին քաղաքականութեան վերաբերող հարցեր։ Արտաքին քաղաքականութեան վերլուծութեամբ հանդէս եկաւ Արեւմտեան Հայաստանի նախագահ Արմենակ Աբրահամեան։  Ներքին հարցերու վերաբերեալ հանդէս եկաւ վարչապետ Սեդա Մելիքեան, որ պատգամաւորներուն ներկայացուց Արեւմտեան Հայաստանի Հանրապետութեան երեւանեան գրասենեակին մէջ՝ Արեւմտեան Հայաստանի քաղաքացիներուն հետ տեղի ունեցած հանդիպման մանրամասները։ Վարչապետը նշեց, որ մեր քաղաքացիները մեծ հետաքրքրութեամբ կը հետեւին Արեւմտեան Հայաստանի հեռուստակայանին եւ մամլոյ հաղորդագրութիւններուն։ Մասնաւորապէս, իրենց համերաշխութիւնը կը յայտնեն նախագահին եւ վարչապետին ելոյթներուն մէջ հնչած գաղափարներուն։ 

Իր տեսլականը ներկայացուց նաեւ Արտաքին գործոց նախարար Լիտիա Մարկոսեան։

Նիստի ընթացքին առանձին ելոյթներով հանդէս եկան մեր պատգամաւորները,  ներկայացնելով սեփական առաջարկները՝ յառաջիկային Երեւանի մէջ կայանալիք   համաժողովին վերաբերեալ։

Աւարտին կազմուեցաւ յաջորդ նիստի օրակարգը։