Արեւմտեան Հայաստանի Բիւրակն նահանգի Կարլովա գաւառի Լճիկ գիւղին մէջ արդէն 38 օրէ ի վեր անտառահատումները կը շարունակուին։ Չորս կողմէն անտառներով ու գետերով շրջապատուած Բիւրակնը կանգնած է բնութեան ոչնչացման վտանգի տակ։ Գիւղացիները կ’ըսեն, որ մօտ 300-500 հա անտառային տարածքի վրայ կտրուած կաղնիները պիտի օգտագործուին որպէս  փայտածուխ։

Շրջանի գիւղացիները ստորագրահաւաքով դիմած են նահանգապետարան եւ անտառատնտեսութեան վարչութիւն, ներկայացնելով այն հետեւանքները, որոնք կրնան առաջանալ անտառահատման պատճառով։ Քանի որ տուեալ տեղանքը զառիթափ է, քարքարոտ, իսկ լերան լանջերը մօտ են բնակավայրերուն, կրնան տեղի ունենալ այնպիսի բնական աղէտներ, ինչպիսիք են ջրհեղեղը, ձնահիւսը եւ փաղաղումը։

Չբաւարարուելով դիմում-բողոքով, գիւղացիները նաեւ քրէական գործ  յարուցած են Կարլովայի գլխաւոր դատախազութիւն՝ նշելով, որ շրջակայ միջավայրին վրայ ազդեցութեան գնահատական տուող կազմակերպութեան կողմէ չէ ներկայացուած փայտածուխ արտադրելու վերաբերեալ անհրաժեշտ հաշուետւութիւնը։

Արեւմտեան  Հայաստանը հերթական դէպքը կ’արձանագրէ, որ կը ներկայացնէ միջազգային հանրութեան ուշադրութեան: