Բերձորի միջանցքի նոր երթուղին պիտի գործարկուի ընթացիկ տարուան Սեպտեմբերի առաջին շաբթուան ընթացքին:

Լուրը տեղեկացուցած է  Արցախի Հանրապետութեան տարածքային կառավարման եւ ենթակառուցուածքներու նախարար Հայկ Խանումեան: 

«Մինչ այդ պիտի գործէ Ստեփանակերտ-Բերձոր-Գորիս մայրուղին: Այլընտրանքային  երթուղին պիտի գործէ դէպի հարաւ տեղափոխուող նոր միջանցքով:  Նոր ճանապարհով  երթեւեկութիւնը պիտի սկսի ռուսական խաղաղապահ զօրակազմի բոլոր զօրակայաններու տեղակայումէն  ետք: Այդ ընթացքին պատրաստ պիտի ըլլայ ժամանակաւոր՝ 4,5քմ հատուածը, որուն մէկ մասն արդէն ասֆալտապատուած է եւ մօտ օրերս ամբողջութեամբ պիտի աւարտի: Կ’ենթադրուի, որ Սեպտեմբերի առաջին շաբթուան ընթացքին երթեւեկութիւնն արդէն պիտի կազմակերպուի  նոր ճանապարհով»,- ըսած է Հ. Խանումեան:

Գերատեսչութեան ղեկավարին խօսքով՝ աշխոյժ կ’ընթանայ ենթակառուցուածքներու տեղափոխումը: 

«Կապի հարցն  արդէն լուծուած է: Ելեկտրական գիծերու տեղափոխումը  դեռ  ժամանակ մը պիտի տեւէ, իսկ կազամատակարարման առումով, ինչպէս արդէն նշած եմ, այլ լուծումներ պէտք է փնտռուին»,- աւելցուցած է նախարարը: 

Արեւմտեան Հայաստանը կը հետեւի գործընթացներուն, եւ միանշանակ իր դիրքորոշումը պիտի յայտնէ այս բոլորին վերաբերեալ: