Արեւմտեան Հայաստանի պետական հեռուստակայանի եթերով Արցախի Արդարութիւն կուսակցութեան համանախագահ եւ Արեւմտեան Հայաստանի Հանրապետութեան պատգամաւոր Յակոբ Յակոբեան ներկայացուց Արցախի մէջ տեղի ունեցող անցուդարձը Հոկտեմբերի 25-ի դրութեամբ, խօսելով այնտեղ ապրող հայերը յուզող հիմնական խնդիրներուն մասին, որոնցմէ են անորոշութիւնը եւ անվտանգութեան վերաբերող հարցերը նշելով, որ այս հարցերուն միակ պատասխանը կրնան տալ իշխանութիւնները՝ փաստարկուած պատասխաններով։ Պարոն Յակոբեան խօսեցաւ նաեւ տեղեկատուական պատերազմին մասին, որ այժմ աշխոյժ կերպով կը վարէ ատրպէյճական կողմը, հայկական լրատուական դաշտը հեղեղելով ստայօդ լուրերով, այսպիսով փորձելով ճնշել հայերու բարոյահոգաբանական վիճակը։ Անդրադարձաւ նաեւ Արցախի մէջ տիրող ընկերային խնդիրներուն, որոնց հետ ամէն օր կը բախի շարքային Արցախցին։Յակոբ Յակոբեանի հետ հարցազրոյցը կրնաք դիտել Արեւմտեան Հայաստանի պետական հեռուստակայանի եութուպեան էջին ։

https://youtu.be/w0Vp2RHtJQ8