ԱՄՆ քաղաքական գործիչը հանդէս եկած է Անգարային սպառազինութիւն տրամադրելու դէմ։  ԱՄՆ սենատի միջազգային յարաբերութիւններու հարցերով յանձնաժողովի նախագահ Ռոպերթ Մենենտէս Թուրքիան անուանած է Արեւելեան Միջերկրական ծովի ամենամեծ սպառնալիքը եւ Չինաստանին, Ռուսիոյ եւ կլիմայի փոփոխութեան հետ մէկտեղ այն ներառած է միջազգային հանրութեան սպառնացող հիմնական մարտահրաւէրներուն մէջ։ 

Քննադատելով Կիպրոսի հիւսիսային հատուածի ապօրինի բռնազաւթումը, Մենենտէս յայտարարած է, որ դէմ է Անգարային սպառազինութեան արդիականացած համակարգեր տրամադրելուն։ Ան մեղադրած է Թուրքիոյ նախագահ Էրտողանը Արեւելեան Եւրոպայի եւ Հարաւային Կովկասի մէջ պառակտիչ քաղաքականութիւն վարելու մէջ։

Արեւմտեան Հայաստանը բազմիցս բարձրաձայնած է Թուրքիոյ ռազմական յանցագործութիւններուն մասին, որոնք կատարած է  Արեւմտեան Հայաստանի տարածքին։ Միջազգային հանրութեան անտարբեր հայացքին ներքոյ նոյն ռազմական յանցագործութիւնները կրկնուեցան թուրք-ատրպէյճանական դաշինքին կողմէ, արդէն 2020 թուականին` Արցախի մէջ։ Մենք կ’ողջունենք ԱՄՆ սենատի միջազգային յարաբերութիւններու հարցերով յանձնաժողովի նախագահ Ռոպերթ Մենենտէսի տեսակէտը, եւ պատրաստակամօրէն կը յայտնէ մեր աջակցութիւնը անոր։