Պաքու «միջազգային համաժողով»  կազմակերպած է բռնազաւթուած Շուշիի  մէջ, որուն հրաւիրուած են Կասպից արեւմուտքի մէջ հաւատարմագրուած դիւանագէտներ։ Միջոցառման հրաժարած են մասնակցիլ Պաքուի մէչ ԱՄՆ-ի ու Ֆրանսայի դեսպանները: Ալիեւի օգնական Հիքմէթ Հաճիեւ յայտարարած է․ «Այսօր Շուշիի մէջ չկան Ատրպէյճանի մէջ Ֆրանսայի եւ ԱՄՆ-ի դեսպանները։ Անոնք բացայայտ կերպով արհամարհեցին ատրպէյճանական կառավարութեան հրաւէրը։ Մենք այդ մէկը կ’ընկալենք որպէս անարգալից վերաբերմունք մեր տարածքային ամբողջականութեան նկատմամբ, քանի որ, ըստ այդ երկիրներուն, հակամարտութիւնը դեռ չէ աւարտած»։

ԱՄՆ-ի ու Ֆրանսայի դեսպանները մինչեւ այս պահը կը հրաժարին այցելել Շուշի, քանի որ Ուաշինկթըն եւ Փարիզ կը գտնեն, որ Արցախի խնդիրը լուծուած չէ, Նոյեմբերի 9-ի թուղթը հակամարտութեան կարգաւորում չէ, եւ կը պնդեն «համապարփակ կարգաւորում»։

Ֆրանսայի Սենատի զոյգ պալատները ընդունած են Արցախի ճանաչման անհրաժեշտութեան վերաբերեալ բանաձեւեր, որոնց մէջ նշուած է, որ պէտք է վերադառնալ 1994-ի շփման գիծին եւ վերսկսիլ բանակցութիւնները Մինսկի Խումբին մէջ։ Պաքուի զօրքերու դուրսբերման պահանջ դրուած է նաեւ ԱՄՆ Սենատի մէջ, ուր կը շրջանառուի նաեւ Արցախի ճանաչման բանաձեւը։