Արցախը Հայաստանին կապող միջպետական մայրուղիի Բերձորի ճանապարհով երթեւեկութիւնը պիտի գործէ մինչեւ սոյն թուականի Օգոստոսի 31-ը ներառեալ։

Այս լուրը կը տեղեկացնէ Արցախի Հանրապետութեան Ներքին գործոց նախարարութիւնը:

«Քաղաքացիներու անվտանգ տեղաշարժն այս ընթացքին պիտի ապահովեն ռուս խաղաղապահները։

Օգոստոսի 31-էն ետք Հայաստանի Հանրապետութեան հետ կապը պիտի իրականացուի նոր միջանցքով` հարաւային ուղղութեամբ, Բերդաձորի ենթաշրջանի տարածքով, որուն մասին Ներքին գործոց նախարարութիւնը պիտի տրամադրէ յստակ ու մանրամասն տեղեկութիւն։

Հաշուի առնելով քաղաքացիներու մտահոգութիւնը, Ներքին գործոց նախարարութիւնը օրական երկու անգամ` կէսօրին եւ երեկոյեան, պիտի հրապարակէ Բերձորի գործող միջանցքին մասին թարմ տեղեկատւութիւն», – նշուած է յայտարարութեան մէջ։

Արեւմտեան Հայաստանը կրկին իր անհամաձայնութիւնը կը յայտնէ այս միջանցքային տրամաբանութեան, նշելով, որ հայկական բնիկ տարածքները, որոնք բռնազաւթուած են Ատրպէյճանի կողմէ պէտք է ազատագրել եւ ոչ մէկ պարագայի ստորագրել այլ նուասատացուցիչ պայմանագիր եւս։