Արեւմտեան Հայաստանի Սեբաստիա նահանգի Կիւրին գաւառին մէջ գտնուող Շուղուլի կիրճը թաքնուած դրախտ է, որ կը գրաւէ բնութեան սիրահարները։

Իր  առանձնայատուկ բնական կառուցուածքով տարբերող կիրճը կը հիացնէ բնութեան սիրահարները ոչ միայն բարձր ժայռերով, այլեւ անոնց մէջէն բխող մաքուր ջուրով եւ ժայռերէն թափող փոքրիկ ջրվէժներով։ Այստեղ կը բնակին բազմաթիւ վայրի թռչուններ։ 

Բնութեան սիրահարները իրենց հանգստեան օրերուն յաճախ կ’այցելեն այստեղ՝  վայելելու բնութիւնը, զբօսնելու եւ սառնորակ ջուրերուն մէջ զովանալու համար։

Բնութեան այս գլուխ գործոցը Արեւմտեան Հայաստնանի զբօսաշրջային այցեքարտերէն մէկն է, որ յատուկ պահպանման կարիք ունի։