Մօտ 400 հազար բաժանորդ ունեցող «Իսլամական յեղափոխութեան պահապաններու ջոկատ» պարսկալեզու թելեկրամեան ալիքը Պաքուի բարբարոսներուն՝ հայկական Բերձոր մուտքին մասին լուրը վերնագրած է այսպէս. «Հիւսիսային Ատրպէյճան նահանգի ինքնահռչակ նահանգապետ Իլհամ Ալիեւ տեղեկացուց. Պաքուի ուժերը տեղակայուած են Բերձորի մէջ»։ Այս լուրը կը տեղեկացնէ Իրանագէտ Վարդան Ոսկանեան: Վերջին շրջանին Իրանի մէջ յաճախ ոչ պաշտօնական մակարդակի վրայ Ատրպէյճան կոչուող արհեստածին կազմաւորումը կը կոչէ Իրանի «Հիւսիսային Ատրպէյճան» նահանգ, իսկ բոլորովին վերջերս իրանցի դիւանագէտ Ապոլֆազլ Զոհրեւանտ խօսած էր այն մասին, որ Հայաստանը եւ հայերն Իրանի դաշնակիցներն են, մինչդեռ Ատրպէյճանը քաղցկեղային գոյացութիւն եւ վտшնգ է Իրանի քաղաքակրթական տարածքին համար, բան մը, որ յանգեցուցած է Պաքուի բռնապետին եւ էրտողանական վարչախումբին խիստ անհանգստութեան եւ լրատուական տիրոյթին մէջ կատաղի հակաիրանական արձագանգներու»։

Արեւմտեան Հայաստանը ուշի ուշով կը հետեւի բարեկամական Իրանի յայտարարութիւներուն, եւ  հարկ եղած պարագային պիտի տայ համապատասխան արձագանգ։