Արցախի Արտաքին գործոց նախարար Դաւիթ Բաբայեանի ֆէյսպուքեան գրառումը. «Ատրպէյճանի նախագահի օգնական Հաճիեւ յայտարարած է, որ ատրպէյճանցիներն ու հայերը կրնան ապրիլ կողք կողքի՝ որպէս մէկ երկրի քաղաքացի։

Նախ եւ առաջ, հայերն ու ատրպէյճանցիները կրնան ապրիլ մէկ երկրի ներսը, բայց այդ երկիրը միայն երրորդ երկիր կրնայ ըլլալ, օրինակ` Ռուսիա, ԱՄՆ, Զուիցերիա եւ այլն։ Նման օրինակներ ունինք, հակառակ անոր, որ Ատրպէյճան ամէն ջանք կը գործադրէ, որպէսզի նոյնիսկ երրորդ երկրի մէջ ատրպէյճանցիները հայերուն  թշնամանքով վերաբերին, եւ այս մէկը մենք կը տեսնենք ամենատարբեր երկիրներու մէջ։

Բայց եթէ տուեալ պարագային խոօսքը կը վերաբերի Արցախին ու Ատրպէյճանին, ուրեմն մենք չենք կրնար գտնուիլ Ատրպէյճանի կազմին մէջ, քանի որ Արցախն Ատրպէյճանի կազմին  մէջ միայն մէկ ապագայ ունի՝ հայաթափում, կործանում եւ ցեղասպանութիւն»։

Արեւմտեան Հայաաստանի Հանրապետութեան նախագահը վերջերս իր հարցազրոյցներէն մէկուն մէջ անդրադառնալով Արցախի խնդիրին, նշած է, որ Արցախը ե՛ւ տարածքային, ե՛ւ իրաւաբանական տեսանկիւնէ կը գտնուի Արեւմտեան Հայաստանի պատասխանատւութեան տակ, եւ այս առումով յստակ է, որ Արցախը բացի Մայր Հայաստանէն որեւէ այլ պետութեան մաս չի կրնար կազմել։