Եւրոպական խորհուրդի նախագահ Շառլ Միշէլ Հայաստանի եւ Ատրպէյճանի ղեկավարներուն հետ եռակողմ հանդիպման ժամանակ շեշտած է Ատրպէյճանի կողմէ հայ գերիներու ազատ արձակման կարեւորութիւնը: Միշէլ նշած է նաեւ. «Այսօր մենք համաձայն ենք աշխուժացնել բովանդակային աշխատանքը՝ Հայաստանի եւ Ատրպէյճանի միջեւ միջպետական յարաբերութիւնները կարգաւորող խաղաղութեան պայմանագիրի առաջխաղացման ուղղութեամբ եւ յանձնարարած ենք արտաքին գործոց նախարարներուն հանդիպիլ մէկ ամսուայ ընթացքին՝ աշխատելու նախագիծերու վրայ»:

Եւրոպական Խորհուրդի նախագահը յայտնած է, որ մանրամասն քննարկում ունեցած են նաեւ մարդդասիրական հարցերու՝ այդ թուին՝ ականազերծման, գերեվարուածներու եւ անհետ կորսուածներու ճակատագիրին շուրջ։ «Նախագահ Միշէլ  ընդգծած է հայ գերեվարուածներու յետագայ ազատ արձակման կարեւորութիւնը։ ԵՄ-ը պիտի շարունակէ զբաղիլ այս հարցերով»,- նշուած է յայտարարութեան մէջ: Շառլ Միշէլ յայտարարութեան մէջ անդրադարձած է նաեւ սահմանազատման հարցերուն, նշելով, որ քննարկած են, թէ ինչպէս լաւագոյնս ապահովել կայուն իրավիճակ: Արեւմտեան Հայաստանը դրական կը գնահատէ ԵԽ նախագահ Շարլ Միշէլի յայտարարաութիւնը՝  գերիներու վերադարձին վերաբերեալ,  եւ կ’աւելցնէ, որ աւելի քան 300 անձ պատերազմէն ետք անհետ կորսուած կը համարուի, որոնց մեծ մասը ամենայն հաւանականութեամբ գերեվարուած են Ադրբեջանի կողմից՝ , որուն մասին տեղեակ չեն պահեր համապատասխան կառոյցներիուն։