Արցախի Հանրապետութեան Ազգային ժողովի նախագահ Արթուր Թովմասեան Սեպտեմբերի 2-ին ուղերձ յղած է Արցախի Հանրապետութեան օրուան առթիւ:

Ուղերձին մէջ նշուած է.

«Սիրելի´ հայրենակիցներ,

Դարեր շարունակ արցախահայութիւնը, յենելով իր պատմական երկարատեւ կենսափորձին վրայ, կենաց ու մահու պայքար մղած է՝ յանուն սեփական հայրենիքին, պետականութեան, ժողովուրդի ազատութեան ու անկախութեան։ Այդ պայքարի բարձրակէտը հանդիսացաւ Լեռնային Ղարաբաղի Հանրապետութեան ծնունդը։

Կը շնորհաւորեմ բոլորս Արցախի Հանրապետութեան օրուան առթիւ։ Մեր ժողովուրդի պատմութեան շրջադարձային այդ օրը  հաւաստիացում էր ե΄ւ խորհրդային իշխանութիւններուն, ե΄ւ համայն քաղաքակիրթ աշխարհին, որ արցախցիի՝ իր հայրենիքիին մէջ ապրելու, յարատեւելու կամքն անբեկանելի է, լուսաւոր ապագայի կերտումը՝ անկասելի: 2020թ. աշնանային պատերազմն իր ծանր հետեւանքներով լրջագոյն մարտահրաւէր հանդիսացաւ մեր ինքնութեան ու լինելիութեան համար:

Արցախցիի հոգեկերտուածքը այնպիսին չէ, որ ընկրկի դժուարութիւններու առջեւ: Մեր ազգային հպարտութիւնն ու արժանապատւութիւնը աներեր է, այն ոչ ոք կրնայ խաթարել: Մենք վճռական ենք մեր պայքարին մէջ։ Անսասան է իր պատմական հայրենիքին մէջ ապրելու, արարելու արցախցիի կամքը։ Աստուած ապաւէն Արցախի Հանրապետութեան ու համայն հայութեան»։