Արեւմտեան Հայաստանի Տիգրանակերտ քաղաքի՝ ԵՈՒՆԷՍՔՕ-ի Համաշխարհային մշակութային ժառանգութեան ցանկին մէջ ընդգրկուած պարիսպներու վերականգնողական աշխատանքներու ընթացքին 1500 տարուայ վաղեմութեան կանթեղ յայտնաբերուած է։

Տիգրանակերտի թանգարանի տնօրինութեան հետ համատեղ իրականացուած հնագիտական ​​պեղումներու ծիրին մէջ գտնուած կանթեղը յանձնուած է թանգարանի տնօրինութեան։ Հիմնուելով ձեւին ու նախշերուն վրայ, կ’ենթադրուի, որ այն կը պատկանի հռոմէական ժամանակաշրջանին։ Նշենք, որ կանթեղը ի յայտ եկած է ամբողջապէս պահպանուած։

Արեւմտեան Հայաստանի հարուստ մշակոյթին մասին կը խօսին պեղումներու ժամանակ յայտնաբերուած գտածոները, որոնք լաւագոյնս կը ներկայացնեն Արեւմտեան Հայաստանի մշակոյթը եւ քաղաքակրթութիւնը։ Հայերը Արեւմտեան Հայաստանի բնիկներն են, եւ ասով պայմանաւորուած եղած է նաեւ այսքան հարուստ մշակոյթի ստեղծումը։