Աշխարհահռչակ երաժիշտներ, գիտնականներ, նոպելեան մրցանակակիրներ, տիեզերագնացներ մէկ շաբաթ շարունակ Հայաստանը պիտի վերածեն հզօր գիտական միտքի ու երաժշտութեան միաւորման վայրի: Յառաջիկայ ողջ շաբաթուան ընթացքին տեղի պիտի ունենան յայտնի գիտնականներու, տիեզերագնացներու դասախօսութիւններ,  նաեւ համերգեր:

Փառատօնը 2011 թուականին միասին հիմնադրած են աստղաֆիզիիկոս Գարիկ Իսրայէլեան եւ «Queen» խումբի կիթառահար, աստղաֆիզիկոս Պրայան Մէյ:

6-րդ «STARMUS»ը նուիրուած է Հրատ մոլորակի վրայ «Հրատ 3» տիեզերակայանի առաջին վայրէջքի 50-ամեակին: Դէպի կարմիր մոլորակ թռիչքին նպատակը հայ մեծանուն երկրաչափ Ալեքսանդր Քեմուրջեանի «Prop-M» հրատաագնացը տեղ հասցնելն էր:

Գիտութեան հանրայնացման նպաստող գործիչները «STARMUS» փառատօնի ընթացքին կը պագեւատրեն յայտնի գիտնական Սթիւըն Հոքինկի շքանշանով: Այս մրցանակաբաշխութիւնը կ’անուանեն նաեւ «Գիտութեան Օսքար»: Գարիկ Իսրայէլեանին փոխանցմամբ, այս տարուան գիտութեան օսքարակիրի անունը պիտի բացայայտուի Երկուշաբթի օրը: 

Աշխարհահռչակ հայ գիտնականներու եւ անուանի մարդոց մեծամասնութեան արմատները կը ձգուին դէպի Արեւմտեան Հայաստան: Ասոր մասին շատ յաճախ կը խօսուի միջազգային տարբեր հարթակներու վրայ, անպայմանօրէն նշուելով, որ անոնց նախնիները Ցեղասպանութեան ենթարկուած են իրենց բնիկ տարածքներուն մէջ կամ բռնի տեղահանուած: