ԱՄՆ քոնկրէսական Ատամ Շիֆ Արցախի Հանրապետութեան հռչակման 31-ամեակին առթիւ հանդէս  եկած է յայտարարութեամբ.

«Այսօր Արցախի Անկախութեան օրն է, այն արցախցիներուն, որոնք 31 տարի առաջ հռչակեցին իրենց անկախութիւնը Խորհրդային Միութենէն։ Սակայն, ինչպէս ապացուցեցին անցնող երկու տարիներու վшյրագnւթիւնները, անկախութիւնը ազատագրական պայքարի միայն սկիզբն է, եւ Արցախը Թուրքիայէն ու Ատրպէյճանէն պաշտպանելու պայքարը կը շարունակէ պահանջել մեր ամբողջական ուշադրութիւնն ու աջակցութիւնը։

Վերջին երկու տարիներու ընթացքին Ատրպէյճանի կողմէ մղուած պատերազմը Արցախի ժողովուրդին, անոր մշակութային վայրերուն եւ ինքնիշխանութեան դէմ աներեւակայելի փորձութեան ենթարկեց ազգը։ Հայ զինուորները կը շարունակեն սպանուիլ, տասնեակներ ապօրինի կերպով ձերբակալուած են որպէս ռազմագերիներ, իսկ հազարաւոր անմեղ քաղաքացիներ կ’ապրին յաջորդ յարձակման կամ ներխnւժման վախով։ Միացեալ Նահանգները պէտք է անյապաղ միջոցներ ձեռնարկէ Ալիեւի վարչակարգը պատասխանատւութեան ենթարկելու եւ Ատրպէյճանի թշնամանքը դատապարտելու համար։ Ես միշտ պիտի կանգնիմ Հայաստանի եւ Արցախի ժողովուրդին կողքը»:

Արեւմտեան Հայաստանը դրական կը գնահատէ ԱՄՆ քոնկրէսական Ատամ Շիֆի յայտարարութիւնը Արցախի անկախութեան 31-ամեակին առիթով, նշելով, որ  քոնկրէսականը Միացեալ Նահանգներու հայերու իրաւունքներուն համար մղուող պայքարի առաջամարտիկներէն է: Յիշեցնենք,որ Ատամ Շիֆ տարիներ շարունակ կը պայքարէր նաեւ Հայերու դէմ իրագործուած Ցեղասպանութեան ճանաչման համար: