Արցախի Հանրապետութեան պետական նախարար Արտակ Բեգլարեան ընդունած է Համազգային հայ կրթական եւ մշակութային միութեան Կեդրոնական վարչութեան ատենապետ եւ Շուշիի «Վարանդա» երգչախումբի հիմնադիր, գեղարուեստական ղեկավար Զաքար Քեշիշեանը։

Ինչպէս կը տեղեկացնեն Արցախի պետական նախարարի աշխատակազմէն, պետական նախարարը բարձր գնահատած է Զաքար Քեշիշեանի աւանդը Արցախի մշակութային կեանքի աշխուժացման եւ հանրահռչակման գործին մէջ՝ այդ առումով ընդգծելով Շուշիի «Վարանդա» մանկապատանեկան եւ երիտասարդական պետական երգչախումբի 30-ամեակին նուիրուած համերգաշարերու կարեւորութիւնը: Ըստ աղբիւրին, կողմերը միտքեր փոխանակած են Արցախի մշակութային բնագաւառին ու Համազգային հայ կրթական եւ մշակութային միութեան արցախեան գործունէութեան առնչուող շարք մը հարցերու շուրջ՝ շեշտադրելով շարունակական փոխգործակցութեան կարեւորութիւնն այդ առումով:

Արեւմտեան Հայաստանը դրական կը գնահատէ մշակութային այս աշխուժացումը, որ նախաձեռնուած է  Զաքար Քեշիշեանի կողմէ։