Արցախի Հանրապետութեան նախագահ Արայիկ Յարութիւնեան Սեպտեմբերի 4-ին այցելած է ԱՀ Պաշտպանութեան նախարարութիւն եւ Պաշտպանութեան բանակի բարձրաստիճան հրամկազմին հետ իրականացուցած է ծառայողական խորհրդակցութիւն։  Այս լուրը կը յայտնեն Արցախի նախագահի աշխատակազմէն:

Քննարկուած են պաշտպանական ոլորտի մէջ իրականացուող աշխատանքները։ Շփման գիծի վրայ առկայ իրադրութեան վերաբերեալ զեկուցմամբ հանդէս եկած է պաշտպանութեան նախարար- պաշտպանութեան բանակի հրամանատար Կամօ Վարդանեան:

Յարութիւնեան անդրադարձած է կատարելիքներուն եւ բանակի սպայակազմին տուած է  շարք մը ցուցումներ ու յանձնարարականներ։

Արեւմտեան Հայաստանը կը հետեւի Արցախի շուրջ եւ Արցախի մէջ ընթացքող գործընթացներուն, ըստ անհրաժեշտութեան տալով համապատասխան գնահատականներ։ Սակայն ակնյայտ է, որ այսօր Արցախի մէջ ամէն ջանք ի գործ կը դրուի, որպէսզի կայունանայ յետպատերազմական դրութիւնը եւ մարդիկ մտնեն բնականոն հունի մէջ։