Վանայ լիճի Աղթամար կղզիի Սուրբ Խաչ եկեղեցւոյ մէջ տեղի ունեցաւ 10-րդ պատարագը: Նշենք, որ եկեղեցին կրօնական ծիսակարգերու համար տարին մէկ անգամ կը բացուի։

Արարողութիւնը, որ տեղի ունեցած է Կ. Պոլսոյ Հայոց պատրիարքարանի 46 հոգեւորականներու եեւ այցելուներու մասնակցութեամբ, վարած է  աւագ քահանայ Յարութիւն Տամատեան։ 

Պատրիարք Մաշալեան, որ կը նախագահէր պատարագի ծէսը, լրագրողներուն ըսաւ, որ այստեղ  եկած են հաւատացեալներ Կ. Պոլիսէն, Հայաստանէն եւ բազմաթիւ երկիրներէ՝ մասնակցելու համար ամենամեայ պատարագին ու ժամերգութեան, որոնք կ’ուղեկցին մոմավառութեամբ, աղօթքներով ու շարականներու կատարմամբ: 

 Արեւմտեան Հայաստանը կը շնորհաւորէ  հաւատացեալ Հայ ժողովուրդը այս հոգեւոր իրադարձութեան համար։ Արեւմտեան Հայաստանի մէջ շատ են վանքերն ու եկեղեցիները, որոնք կառուցուսծ են տարածաշրջանի բնիկներու՝ հայերու կողմէ։ Անոնք դարերու եւս մէկ ապացոյցն են, որ հայը այստեղ ապրած եւ քաղաքակրթութիւն ստեղծած է բնիկութեան հիման վրայ։