Ատրպէյճանը յայտարարած է 2022 Օգոստոսի վերջը Բերձոր քաղաքի եւ Աղաւնոյ գիւղի հայ բնակչութեան բռնի տեղահանումէն ետք Սուրբ Համբարձում եկեղեցին մզկիթի վերածելու նախագիծին մասին։

Նախագիծին համաձայն, պիտի քանդուի գմբէթին գագաթը, պիտի կազմաքանդուի զանգակատունը եւ հիւսիսային ճակատին պիտի տեղադրուի երկու մինարէթ։

Նախագիծը հաստատուած է Ատրպէյճանի նախագահ Ալիեւի հրամանին համաձայն։ Նմանատիպ հրաման Ալիեւ տուած է տակաւին այն ժամանակ, երբ հերթական ապօրինի այցով կը գտնուէր բռնագրաւուած Հատրութ շրջանին մէջ։ Իրենց հիմնական նպատակը բռնազաւթուած հայկական բոլոր բնակավայրերուն մէջ հայկական մշակութային ժառանգութիւնը վերացնելն է։ 

Պէտք է հաշուի առնել այն հանգամանքը, որ միջազգային բոլոր  համաձայնագիրներով նմանատիպ ժառանգութեան ոչնչացումը կամ վերածումն այլ կառոյցներու կը համարուի ոչ միայն մշակութային ցեղասպանութիւն, այլ նաեւ՝ պատերազմական յանցագործութիւն։