Վան քաղաքի մէջ, որ յայտնի է որպէս քաղաքակրթութիւններու բնօրրան եւ բազմաթիւ պատմական իրադարձութիւններու թատերաբեմ, տեղի պիտի ունենայ գիտական ​​կարեւոր միջոցառում։ Մօտ 7000 տարուան պատմութիւն ունեցող Վանի մէջ պիտի կազմակերպուի միջազգային կոչունք Արարատեան թագաւորութեան  մասին։

2022 թուականի Սեպտեմբերի 7-9 շարունակուող գիտաժողովին պիտի մասնակցին նաեւ արտերկրէ ժամանած  նշանաւոր գիտնականներ։ Այս կոչունքին շնորհիւ Վանը, որպէս երբեմնի ուրարտական մայրաքաղաք,  պիտի յայտնուի բոլորին ուշադրութեան կեդրոնը։

Կոչունքի ընթացքին տեղի պիտի ունենայ տեղեկատւութեան փոխանակում,  բոլոր մանրամասներով պիտի հնչեն  զեկոյցներ Ուրարտական ​​թագաւորութեան ճարտարապետութեան, արուեստի, լեզուի, մշակոյթի ու աշխարհագրութեան փոխազդեցութեան, ինչպէս նաեւ վերջին տարիներուն կատարուած պեղումներուն  վերաբերեալ:

Նշենք, որ Արարատեան թագաւորութենէն մինչեւ մեր օրերը հասած է հարուստ պատմամշակութային ժառանգութիւն։ 

Արեւմտեան Հայաստանը դրական կը գնահատէ Վանի մէջ նման միջազգային կոչունքի կազմակերպումը, սակայն յատկանշական կը համարէ ընդգծել, որ նման կարեւոր  կոչունքին Արևմտյան Հայաստանի ներկայացուցիչի մասնակցութիւնը պարտադիր է։