Կովկասի հարցերով բանակցութիւններուն մէջ ԱՄՆ պետքարտուղարի գլխաւոր խորհրդական, ԵԱՀԿ Մինսկի խումբի ԱՄՆ համանախագահ Ֆիլիփ Ռիքըր այս շաբաթ Հայաստան պիտի այցելէ։

«Արմէնփրէս»ի փոխանցմամբ,  այս լուրը լրագրողներուն հետ ճեպազրոյցի ժամանակ յայտնած է Արտաքին գործոց նախարարութեան փոխխօսնակ Վետընթ Փաթէլ՝ ընդգծելով, որ այս նորանշանակ Ռիքըրի առաջին այցը պիտի ըլլայ տարածաշրջան։

«Մենք կ’ակնկալենք, որ այս մէկը տարածաշրջան կատարուելիք պարբերական այցերէն առաջինը ըլլայ։ Ան պիտի գտնուի Հայաստան, Վրաստան եւ Ատրպէյճան։ Բոլոր երեք երկիրներուն մէջ պիտի հանդիպի բարձրաստիճան պաշտօնեաներու հետ՝ քննարկելու համար տարածաշրջանին առնչվուող հիմնական հարցերը, ինչպէս նաեւ որոնելու համար ուղիներ՝ աջակցելու գործընկերներուն, ինչպէս նաեւ ուղղակիօրէն եւ կառուցողական կերպով ներգրաւուելու՝ յանուն հրատապ խնդիրներու լուծման եւ տարածաշրջանային յետագայ համագործակցութեան»,- ըսած է ան։

Արեւմտեան Հայաստանը յոյս կը յայտնէ, որ նոր համանախագահը անաչառ ըլլայ իր գործողութիւններուն մէջ՝ Արցախին առնչուող հարցերուն մէջ, եւ  աջակցի խնդիրներու խաղաղ կարգաւորման ու բնիկներու իրաւունքներու պաշտպանութեան։