Եկեղեցիներու համաշխարհային խորհուրդի 11-րդ ընդհանուր համաժողովը, որուն կարգախօսն է «Քրիստոսի սէրը կ’առաջնորդէ աշխարհը դէպի հաշտութիւն եւ միասնութիւն», կը շարունակէ իր աշխատանքները Գերմանիոյ մէջ։ Օգոստոսի 31-էն մինչեւ Սեպտեմբերի 8 կայացող համաժողովին շուրջ 5000 մասնակիցներ կը ներկայացնեն 351 եկեղեցիներ ու յարանուանութիւններ։ Մայր Աթոռ Սուրբ Էջմիածինի պատուիրակութիւնն իր աշխոյժ մասնակցութիւնը կը բերէ համաժողովի հաւաքներուն, ինչպէս նաեւ Եկեղեցիներու համաշխարհային խորհուրդի գործունէութիւնը համակարգող վեց յանձնաժողովներու աշխատանքներուն։

Համաժողովին Գերաշնորհ Տ. Վիգէն արքեպիսկոպոս Այքազեան անդրադարձած է Արցախի բնակչութեան հանդէպ Ատրպէյճանի կողմէ շարունակ տեղի ունեցող ոտնձգութիւններուն՝ յորդորելով համաժողովի ղեկավարութիւնը եւ բոլոր պատուիրակութիւնները գործնական քայլեր ձեռնարկել զսպելու Ատրպէյճանի նմանօրինակ վարքագիծը։

Արեւմտեան Հայաստանը Արցախի համար պայքարը կը շարունակէ իրաւաբանական դաշտի մէջ եւ դրական կը գնահատէ որեւէ հարթակի օգտագործումը՝ Արցախի հետ կապուած խնդիրներու բարձրաձայնման համար։ Հոգեւոր առաջնորդներու հանդիպման ժամանակ հրապարակուած յայտարարութիւնը վստահաբար իր արձագանգը պիտի ստանայ միջազգային հանրութեան կողմէ։