2019թ. Սեպտեմբերին մեկնարկած Ամարասի վանական համալիրի վերականգնման ծրագիրը այժմ հասած է իր վերջին՝ 3-րդ հանգրուանին։ 

«Լոյս» հիմնադրամէն կը յայտնեն, որ վանական համալիրի վերականգնման աշխատանքներու ընդհանուր ծաւալը շուրջ 420 մլն ՀՀ դրամ է, որմէ այս պահուն արդէն կատարուած է 276 մլն դրամի աշխատանք:

Յիշեցնենք, որ աշխատանքները կը վերահսկուին պատմամշակութային յուշարձաններու վերականգնման մասնագիտացում ունեցող նախագծային կազմակերպութեան կողմէ: Ընդհանուր ծրագիրի աւարտը նախատեսուած է 2023թ-ի Գարնան:

Ծրագիրի նպատակն է ստեղծել բոլոր անհրաժեշտ պայմանները համալիրի լիարժէք օգտագործման համար` նոր շունչ տալով հայ ժողովուրդին համար կարեւորագոյն պատմամշակութային նշանակութիւն ունեցող յուշարձանին, որ այսօր կանգնած է Արցախի քրիստոնէական արժէքներու պահպանման առաջնագիծին վրայ:

Ամարասի վանական համալիրը հերթական պատմական ապացոյցն է, որ այդ տարածաշրջանին մէջ ապրած եւ պիտի ապրին միայն բնիկ հայեր, որոնք նստակեաց կեանք վարելով ստեղծած են նման պատմամշակութային արժէքներ։ Արեւմտեան Հայաստանը դրական կը գնահատէ մշակութային կոթողի վերականգնման աշխատանքերը եւ կ’ուղղորդէ վերանորոգել նաեւ Ջաւախքի եւ Արեւմտեան Հայաստանի մշակութային կոթողները, հակառակ պարագային թուրքերը  արդէն երկար ժամանակէ ի վեր սկսած են անոնց այլափոխման աշխատանքները։