Արեւմտեան Հայաստանի Հանրապետութեան Ազգային ժողովը,  անդրադառնալով  2022 թուականի Օգոստոսի 26-ին  Արցախի  Բերձոր, Աղաւնոյ եւ Սուս բնակավայրերուն մէջ  տեղի ունեցած իրադարձութիւններուն՝  կը յայտարարէ․

Հայկական  Արցախ նահանգը՝  համաձայն միջազգային իրաւունքի, 1920 թուականէն  ի վեր Հայաստան պետութեան մաս է, որուն շարունակականութիւնը այսօրուան  Արեւմտեան Հայաստանի Հանրապետութիւնն է։

Արցախը իր ողջ տարածքով կը հանդիսանայ Արեւմտեան Հայաստանի Հանրապետութեան ինքնավար նահանգ՝ համաձայն 2021 թուականի Փետրուարի 25-ին  Արեւմտեան Հայաստանի Հանրապետութեան   ընդունուած օրէնքի։

1991 թուականին ձեւաւորուած Հայաստանի Հանրապետութիւնը իրաւական ոչ մէկ հիմք ունի ներկայացնելու Արցախի բնիկ ժողովուրդը, հետեւաբար,  2020 թուականի Նոյեմբերի 9-ին Հայաստանի Հանրապետութեան, Ռուսիոյ  եւ Ատրպէյճանի  ղեկավարներուն կողմէ  ստորագրուած փաստաթուղթը  իրաւական  ոչ  մէկ ուժ ունի։

Արեւմտեան Հայաստանի Հանրապետութեան խորհրդարանը  կը դատապարտէ  Բերձորի, Աղաւնոյի եւ Սուսի բնիկ հայ ժողովուրդի  բռնի տեղահանումը,  որ  յանգեցուց  ստիպողական արտագաղթի։

Հաշուի առնելով  կատարուած անօրինութիւնները՝ Արեւմտեան Հայաստանի Հանրապետութիւնը իրեն իրաւունք կը վերապահէ ազատագրելու իրեն պատկանող  Արցախի  նահանգի տարածքները։   

 05․09․2022 թ․ ԿԱՐԻՆ