Պաքու յայտարարած է, որ 5 հայ ռազմագերիներ Սեպտեմբերի 8-ին փոխանցուած են Հայաստանին՝ Օգոստոսի 31-ին Պրիւքսէլի մէջ Հայաստանի, Ատրպէյճանի եւ Եւրոպական խորհուրդի ղեկավարներու բանակցութիւններու ընթացքին ձեռք բերուած պայմանաւորուածութիւններուն համաձայն:

Ինչպէս կը հաղորդեն ատրպէյճանական լրատուամիջոցները, այս լուրը յայտնած է Ատրպէյճանի ռազմագերիներու, պատանդներու եւ անհետ կորսուածներու հարցերով պետական յանձնաժողովը:

Նշուած է, որ ռազմագերիները յանձնելու գործընթացը իրականացուած է հայ-ատրպէյճանական սահմանին:

Աւելի վաղ ՀՀ ԱԱԾ-ն յայտնած էր, որ Ատրպէյճան Սեպտեմբերի 8-ին հայկական կողմին  վերադարձուցած է 5 ռազմագերի:

Արեւմտեան Հայաստանը ուրախ է հերթական ռազմագերիներու խումբի հայրենիք վերադարձով, սակայն յոյս կը յայտնէ, որ այն չէ իրականացուած հեթական տարածքային կորուստներու դիմաց։ Քանի որ այդ տղաները պայքարած են յանուն հայրենիքի ազատագրութեան եւ պաշտպանութեան, ու այսօր անոնց ազատագրած տարածքները չեն կրնար այնպէս վերադարձուիլ զաւթիչ Ատրպէյճանին։