Հայաստանի Պատմութեան թանգարանը վերաբացաւ  «Հնագոյն մարդու հետքերով քարի դար» խորագիրով մշտական ցուցադրութիւնը:

Ցուցադրութեան մէջ տեղ գտած են Հայաստանի պատմութեան թանգարանի հաւաքածուէն քարէ դարու բարձրարժէք նմոյշներ՝ գտնուած Հայաստանի տարբեր հնավայրերէ:  Ցուցադրութեան մէջ իր առանձնայատուկ տեղը կը զբաղեցնէ նաեւ 2008 թուականին «Արենի-1» քարանձաւային համալիրի  պեղումներէն յայտնաբերուած կաշիէ ոտնամանը, որ ըստ Գալիֆորիոյ եւ Օքսֆորտի համալսարաններու տարրալուծարաններուն մէջ իրականացուած քննութեան, թուագրուած է Ն.Ք. 3600-3500 թուականներով: Յաջորդ հանգրուանը նուիրուած պիտի ըլլայ պրոնզէ դարաշրջանին, որուն ընթացքին պիտի  ներկայացուի բաւական մեծ հաւաքածու: