Քիչերուն յայտնի է, որ թագուհիին եւ արքայական ընտանիքին ամէնէն յաջող ու տարածուած լուսանկարներու հեղինակը մեր հայրենակից աշխարհահռչակ լուսանկարիչ Յովսէփ Քարշն է։ Եղիսաբէթ Բ-ի լուսանկարները արտատպուած են տարբեր երկիրներու թղթադրամներու, մետաղադրամներու, դրոշմանիշերու եւ տարբեր կրիչներու վրայ։ Առաջին անգամ ան թագուհիին լուսանկարած է 1943 թուականին, իսկ այնուհետեւ չորս անգամ՝ 1951, 1966, 1984 եւ 1987 թուականներուն տարբեր լուսանկարչական շարքեր ստեղծած է թագուհիին եւ արքայական ընտանիքի անդամներուն համար։ 

Յովսէփ Քարշ ծնած է 1908 թուականի Դեկտեմբերի 23–ին՝ Արեւմտեան Հայաստանի Մարտին քաղաքը։  Ցեղասպանութեան ժամանակ ընտանիքը ենթարկուած է հալածանքի, իսկ քոյրը սովէ մահացած է։ 1922 թուականին ընտանեօք փախած են Հալէպ։ 

Այնուհետեւ Քարշ բնակութիւն հաստատած  է Գանատա: Ան յայտնի լուսանկարիչ է, լուսանկարած է Խրուշչովին, Պեռնարտ Շոյին, Ալպերտ Այնշթայնին, Հեմինկուէյին եւ այլոց։ Յատկապէս յայտնի է անոր՝ Չերչիլը պատկերող լուսանկարը։ Յովսէփ Քարշ մահացած է 2002–ին՝ ԱՄՆ:

Պահ մը պատկերացուցէք, թէ Արեւմտեան Հայաստան  ինչ մշակութային ժառանգութիւն պիտի տար, եթէ  տեղի չունենար մեր բնիկ հողին վրայ իրականացուած Ցեղասպանութիւնը։ Այսօր բոլորս կը հպարտանանք անուանի Մարդոց կատարած աշխատանքով, սակայն շատ քիչեր կը յիշում, որ անոնց ընտանիքները ունեզրկուած եւ ցեղասպանութեան ենթարկուած են։ Մարդիկ այսօր կը խօսին խաղաղութեան մասին, իսկ այդ  նոյն մարդիկ կրնա՞ն վերադարձնել 1․5 միլիոն կորսուած կեանքերը եւ խեղուած ճակատագիրները։