Էջմիածինի Մայր տաճարի հիմնանորոգման աշխատանքներուն ժամանակ յայտնաբերուած են կահ–կարասիներ։ Որմնանկարներու տակ այլ շերտեր  բացուած են. պարզուած է, որ անցեալին տաճարը լի եղած է նկարազարդումներով։

Էջմիածինի Մայր տաճարին մէջ այս պահուն բուռն վերանորոգման եւ վերականգնման աշխատանքներ կ’ընթանան։ Վերանորոգման աշխատանքները պիտի աւարտին այս տարեվերջը, սակայն տաճարի վերաօծումը 2023-ին տեղի պիտի ունենայ։

Այժմ խումբ մը մասնագէտներ կ’աշխատին նաեւ Մայր տաճարի որմնանկարներուն վրայ, զորս նախ կը մաքրեն մուրէ ու կեղտէ, իսկ յետոյ գունային լրացումներ կը կատարեն։ Որմնանկարներու վերականգնման աշխատանքներուն մէջ ներգրաւուած են հայ մասնագէտներ, իսկ նիւթերն ու սարքաւորումները իտալական են։ 

Նման լայնամածաւալ աշխատանք Մայր տաճարի կառուցումէն ի վեր չէր կատարուած։