Թանգարաններու միջազգային համագումարին Ատրպէյճան հանդէս եկած է հակահայկական ելոյթով, իբր թէ  հայերն են, որ ատրպէյճանական, իսլամական, աղուանական ժառանգութիւնը վանտալիզմի կ’ենթարկեն:  ԵՊՀ մշակութաբանութեան ամպիոնի վարիչ, պատմական գիտութիւններու դոկտոր, փրոֆեսոր Համլէթ Պետրոսեան պատմեց, որ հայկական կողմը ցանկացած է կանխել այդ ելոյթը, որ  այնուամենայնիւ, կայացած է:

Մշակութաբանին կարծիքով, Ատրպէյճան իր վերահսկողութեան տակ անցած հայկական մշակութային ժառանգութեան վերաբերող «խորամանկ» քաղաքականութիւն մը կը բանեցնէ, որով կը փորձէ հայկականը ներկայացնել աղուանական եւ այլ ծագման, ամէն ինչ չէ, որ ուղղուած է ոչնչացնելուն: Անդրադառնալով ատրպէյճանցիներու Շուշիի Սուրբ Ղազանչեցոց եկեղեցւոյ մէջ կատարած «վերանորոգման» աշխատանքներուն, մշակութաբանը կը կարծէ, որ փորձ կը կատարուի այն ներկայացնելու որպէս ուղղափառ եկեղեցի:

Արեւմտեան Հայաստանը արդէն բաւական երկար ժամանակէ ի վեր աշխատանքներ կը տանի միջզգային հարթակներու վրայ՝ կապուած ատրպէյճանական զեղծարարութիւններուն հետ: Այս մէկը թուրք-ատրպէյճանական համագործակցութեան յստակ ձեռագիրն է, որ Ցեղասպանութեան տարիներէն ի վեր իրականացուած է նաեւ Արեւմտեան Հայաստանի բնիկ տարածքներուն մէջ: