ԱՄՆ-ը 2 միոլիոն տոլար  յատկացուցած է ղարաբաղեան հակամարտութեան գօտիին մէջ ականազերծման համար, յայտարարած է Միացեալ Նահանգներու Արտաքին գործոց նախարարությունը։

«Տարածաշրջանային խաղաղութեան ու համագործակցութեան աջակցելու նպատակով Միացեալ Նահանգները ուրախ է յայտարարել 2020թ. Աշնան Հարաւային Կովկասի մէջ հայկական եւ ատրպէյճանական ուժերուն միջեւ թէժ մարտերէ տուժած տարածքներուն մէջ մարդասիրական ականազերծման գործողութիւններուն համար 2.000.000 տոլարի յատկացման մասին։ Հակամարտութեան գօտիին մէջ ականները եւ չպայթած զինամթերքը կը շարունակեն սպաննել ու խեղել խաղաղ բնակիչները, արգելափակել տնտեսական զարգացումը եւ խոչընդոտել տեղահանվուածներու անվտանգ վերադարձը:

Հաշուի առնելով 2021թ. Նոյեմբերին տրամադրուած 500.000 տոլարը՝ ԱՄՆ-ի նոր օժանդակութիւնը  պիտի շարունակէ ամրապնդել ականազերծող կազմակերպութիւններու տեխնիկական ներուժը՝ մահաբեր ականներու եւ չպայթած զինամթերքի վնասազերծման համար»,- ըսուած  է հաղորդագրութեան մէջ։