Սեպտեմբերի 12֊ին՝ առաւօտեան ժամը 04:00-04:30-ի կողմերը, Արցախի Հանրապետութեան Մարտունի շրջանի Կարմիր շուկայ եւ Թաղավարդ համայնքներուն դիմաց տեղակայուած դիրքերէն ատրպէյճանական կողմը կրակահերթեր բացած է տարբեր տեսակի եւ տրամաչափի հրաձգային զէնքերու կիրառմամբ։ Կրակահերթերը տեւած են շուրջ 30 վայրկեան։

Այս պահուն ճշտուած տեղեկութիւններուն համաձայն, ատրպէյճանական յանցաւոր գործողութիւններու հետեւանքով տուժած է երկու բնակելի տուն Կարմիր շուկայ համայնքին մէջ։ Տուներէն մէկուն պարագային գնդակը խոցած է երկրորդ յարկի պատշգամբի դուռը եւ թափանցած տան սենեակ։ Տան բոլոր 4 անդամները՝ այդ թուին մէկ անչափահաս, կը գտնուէին տան մէջ եւ արթնցած են կրակահերթերէն։

Միւս պարագային արձակուած գնդակը խոցած է բնակելի տան բակը գտնուող շուաքարանը։

Ատրպէյճանական կրակոցներէն տուժած է մջէկ տուն Թաղավարդ համայնքին մէջ, իսկ հարեւանութեամբ տեղակայուած տան բակին մէջ յայտնաբերուած է  խոշոր տրամաչափի գնդացիրի գնդակ։

ՄԻՊ աշխատակազմին կողմէ կրակահերթերուն վերաբերեալ քաղաքացիական բնակչութեան շրջանին մէջ վնասներու վերաբերեալ փաստերու հաւաքագրման աշխատանքները կը շարունակուին։

Արեւմտեան Հայաստանը կոչ կ’ուղղէ զաւթիչ Ատրպէյճանին չդիմել սադրանքներու եւ պահպանել խաղաղութիւնը՝ շփման գիծի ողջ երկայնքով։ Սակայն այս դէպքը եւս մէկ անգամ կը փաստէ, որ Ատրպէյճան խաղաղ համակեցութեան մտադրութիւն չունի եւ ամէն բան կը տանի դէպի սրում։

Leave a Reply