Ար.ւմտեան Հայաստանի պետական հեռուստակայանի եթերով Արեւմտեան Հայաստանի Հանրապետութեան նախագահ Արմենակ Աբրահամեան խօսեցաւ Սեպտեմբերի 28,29 եւ 30-ին Երեւանի մէջ կազմակերպուող գիտաժողովին մասին, նշելով, որ այն կը կազմակերպուի Արեւմտեան Հայաստանի խորհրդարանին կողմէ։ Սեպտեմբերի 28-ին գիտաժողովը տեղի պիտի ունենայ Երեւանի «Տապլ Թրի պայ Հիլթըն» հիւրանոցին  մէջ, իսկ ելոյթով հանդէս պիտի գան Արեւմտեան Հայաստանի Հանրապետութեան նախագահը, պատգամաւորները եւ յատուկ հիւրերը։

Գիտաժողովի գլխաւոր օրակարգը Արեւմտեան Հայաստանի առջեւ ծառացած մարտահրաւէրներն են, որոնք յաղթահարելով պէտք է հասնիլ Արեւմտեան Հայաստանի տարածքներու ազատագրման։ Վերջին 15 տարուան ընթացքին տարուող աշխատանքներուն շնորհիւ, հնարաւոր դարձաւ տարագիր հայութեան մէջ վերականգնել ազգային ինքնագիտակցութիւնը եւ հայրենիքի հանդէպ պահանջատիրութիւնը։ 

Արեւմտեան Հայաստանի Հանրապետութեան նախագահը յատկանաշական համարեց նշել, որ այս գիտաժողովը կը կազմակերպուի խորհրդարանին կողմէ եւս մէկ անգամ փաստելով, որ աշխարհի տարբեր երկիրներէ հաւաքագրուած պատգամաւորները ստեղծած են մէկ կուռ համակարգ: