Ատրպէյճանի զինուած ուժերը Սեպտեմբերի 13-ի կէսգիշերն անց հրետանային միջոցներու եւ անօդաչու թռչող սարքերու կիրառմամբ խիտ կրակ բացած են հայ-ատրպէյճանական սահմանի միաժամանակ  քանի մը հատուածներու մէջ տեղակայուած հայկական դիրքերու ուղղութեամբ: Մասնաւորապէս, հրետակոծման  ենթարկուած են Սոթքի, Վարդենիսի, Գորիսի, Կապանի, Արտանիշի եւ Իշխանասարի ուղղութեամբ տեղակայուած դիրքերը:

Ատրպէյճանի նախայարձակ գործողութիւններուն հետեւանքով հայկական կողմն ունի զոհեր եւ վիրաւորներ։  Այս լուրը յայտնեց ՀՀ Պաշտպանութեան նախարարութեան մամլոյ խօսնակ Արամ Թորոսեան։ Նախնական տուեալներով հայկական կողմն ունի 49 զոհ։