Արեւմտեան Հայաստանի Տերսիմ քաղաքի պատմամշակութային արժէքները աստիճանաբար կը գրանցուին եւ  կը վերածուին զբօսաշրջային վայրերու։ 

Շաբթուան որոշ օրերու շրջանի տարբեր ուղղութիւններով որոնումներու դուրս եկած արշաւախումբերը կը շրջին լեռներով, անտառներով եւ հովիտներով՝ ամէն մէկ թիզը ուսումնասիրելու եւ  պատմական որեւէ կառոյց գտնելու յոյսով:

Այդ խումբերը մինչեւ օրս իրենց  որոնողական աշխատանքներով յայտնաբերած են 150 պատմական վայր եւ շինութիւն, այդ թուին՝ շատրուաններ, եկեղեցիներ, կամուրջներ, ամրոցներ եւ դամբարաններ:

Հազարամեայ պատմութեան հետքերը կրող եւ պաշտպանուած այդ կառոյցները կը ներառուին շրջագայութիւններու համար տարածաշրջան եկող զբօսաշրջիկներու արշաւային  ծրագիրին մէջ։

Արեւմտեան Հայաստանը մտավախութիւն կը յայտնէ, որ պատմական վայրերը դարձնելով զբօսաշրջային վայրեր, հնարաւոր է զբօսաշրջիկներու անզգուշութեան արդիւնքով վնասել պատմական կառոյցները, եթէ վերահսկողութիւն չիրականացուի։ Մենք կը հետեւինք այս նախաձեռնութեան զարգացման եւ ըստ անոր պիտի տրուի համապատասխան գնահատական։