Արեւմտեան Հայաստանի Հանրապետութեան նախագահ Արմենակ Աբրահամեան հանդէս եկաւ ուղերձով, նշելով, որ այսօր կը գտնուինք ծանր դրութեան մէջ, քանի որ վերսկսած է պատերազմական դրութիւնը, ցաւակցութիւն յայտնելով պատւոյ դաշտին մէջ զոհուած զինծառայողներու ընտանիքներուն եւ հարազատներուն։ Սակայն յատկանշական է, որ անոնք իրենց առաքելութիւնը լաւագոյնս կատարեցին, որուն շնորհիւ թշնամին այս պահիուն նահանջած է, եւ ժամանակաւոր դադար է։ 

Ատրպէյճանի ռազմական գործողութիւնները սկսած են 2020 թուականի Սեպտեմբերի 27-ին Հայաստանի Հանրապետութեան ինքնիշխան տարածքին ուղղութեամբ եւ կը շարունակուին այսօր՝ խախտելով միջազգային պայմանագիրները:

Այստեղէն պարզ կը դառնայ Ատրպէյճանի ախորժակը մայր հայենիքի եւ հայութեան հանդէպ։

Արեւմտեան Հայաստանը այժմ միջազգային հարթակներու վրայ աշխատանքներ կը տանի բարձրաձայնելու Ատրպէյճանի սադրիչ գործողութիւնները եւ ի վերջոյ հասնելու միջազգային հանրութեան դատապարտման եւ յստակ գործողութիւններու կիրառման։

Leave a Reply