Մեծ Բրիտանիոյ եւ Հիւսիսային Իրլանտիոյ Միացեալ թագավորութեան խորհրդարանի Լորտերու պալատի անդամ պարոնուհի Քերոլայն Քոքս անդրադարձած է Հայաստանի ուղղութեամբ ատրպէյճանական ուժերու յարձակման: Այս լուրը նշուած է պարոնուհի Քերոլայն Քոքսի մամլոյ հաղորդագրութեան մէջ:

Ան ընդգծած է, որ Ատրպէյճան նոր դաժան յարձակումներ  սկսած է Հայաստանի ինքնիշխան տարածքին վրա:

«Ատրպէյճան ոչ միայն հարուածներ կը հասցնէ ռազմական կառոյցներուն, այլեւ՝ համայնքներուն, քաղաքացիական ենթակառուցուածքներուն»,- նշած է Քոքս:

«Այս սարսափելի գործողութիւնները հետեւած են Ատրպէյճանի պատերազմական յանցագործութիւններուն անպատժելիութեան եւ կ’արտացոլեն անոր ցեղասպան քաղաքականութիւնը»,- նշած է ան:

Ապա Քերոլայն Քոքս ընդգծած է՝ հասկնալի է, որ Ատրպէյճան խաղաղութեան մտադրութիւն չունի:

«Հրատապ անհրաժեշտութիւն կայ, որ միջազգային հանրութիւնը, այդ թուին՝ Մեծ Բրիտանիա, դատապարտւ Ատրպէյճանը եւ պատասխանատւութեան ենթարկէ պատերազմական յանցագործութիւններուն եւ մարդկութեան դէմ յանցագործութիւններուն համար»,- շեշտած է ան: