ՀՀ Արտաքին գործոց նախարարի տեղակալ Վահէ Գէորգեան «Al Jazeera English» հեռուստակայանին տուած հարցազրոյցի ժամանակ Ատրպէյճանի կողմէ սանձազերծուած թշնամական յարձակման վերաբերեալ յստակ կերպով շեշտած է, որ այս յարձակում է ինքնիշխան երկրի վրայ, յարձակում ՄԱԿ-ի անդամ երկրի վրայ:  

Հարցազրոյցի ժամանակ Գէորգեան, մասնաւորապէս, նշած է. «Այն, ինչ որ տեղի ունեցաւ այսօր կէսգիշերին, Ատրպէյճանի կողմէ լայնածաւալ ռազմական յարձակում է, որ նախաձեռնած է Հայաստանի սահմանին, նաեւ Հայաստանի տարածքին։ Ատրպէյճան հրադադարը կը խախտէ ոչ միայն սահմանի երկայնքով, այլ նաեւ կը թիրախաւորէ հայկական դիրքերը, նաեւ քաղաքացիական ենթակառուցուածքները Հայաստանի ներսը: Այս յստակ յարձակում է ինքնիշխան երկրի վրայ, յստակ յարձակում է ՄԱԿ-ի անդամ երկրի վրայ»:

«Նոյեմբերի 26-ի եռակողմ յայտարարութիւնը յստակ ընդգծած է, որ Հայաստան եւ Ատրպէյճան պէտք է կառուցեն անվտանգութիւն, քայլեր ձեռնարկեն՝ նուազեցնելու լարուածութիւնը սահմանին: Բայց Ատրպէյճան կը հրաժարի իրագործել այդ եռակողմ յայտարարութիւնը»,- նշած է Գէորգեան:

Leave a Reply