Ցեղասպանութեան կանխարգելման Լեմկինի հիմնարկը դատապարտած է Հայաստանի ինքնիշխան տարածքին նկատմամբ Սեպտեմբերի 13-ին Ատրպէյճանի սանձազերծած յարձակումը։ 

«Կը դատապարտենք Հայաստանի Հանրապետութեան եւ հայ ժողովուրդին դէմ Ատրպէյճանի գործած պատերազմական յարձակումը։ Հակառակ հրադադարի մասին համաձայնութիւններուն՝ Ատրպէյճանի կառավարութեան ընդհանուր հռետորաբանութիւնը մատնացոյց կ’ընէ հայկական ինքնութիւնն ու տարածքը ոչնչացնելու շարունակական մտադրութիւնը։

Հայաստանի սահմաններու շարունակուող ռմբակոծութիւնը պատերազմական յանցագործութիւն են եւ պէտք է դատապարտուին աշխարհի կողմէ»,- յայտնած են  Ցեղասպանութեան կանխարգելման Լեմկինի հիմնարկէն, նշելով, որ ՆԱԹՕ, Ռուսիա եւ Իրան պէտք է ճնշում գործադրեն Ատրպէյճանի եւ Թուրքիոյ նկատմամբ՝ դադրեցնելու հայ ժողովուրդի նկատմամբ շարունակուող ցեղասպանական արարքները։  

«Աշխարհը չի կրնար կրկին մէ կողմ քաշուիլ եւ թոյլ տալ հայերու ոչնչացումը։ Աշխարհը պէտք է անյապաղ քայլեր ձեռնարկէ՝ կանխելու հայերու դէմ ցեղասպանութիւնը՝ մեկուսացնելով եւ պատժամիջոցներ կիրառելով Ատրպէյճանի դէմ»,- նշուած է գրառման մէջ։

Leave a Reply