ԱՄՆ  Արտաքին գործոց նախարար  Անթընի Պլինքըն Ատրպէյճանի նախագահ Իլհամ Ալիեւին յորդորած է դադրեցնել Հայաստանի դէմ սանձազերծած ռազմական գործողութիւնները:

Այս լուրը յայտնած է ԱՄՆ Արտաքին գործոց նախարարութեան մամլոյ խօսնակ Նէտ Փրայս:

Ան յայտնած է, որ նախարար Պլինքըն գիշերը զրուցած է Ատրպէյճանի նախագահ Ալիեւի հետ՝ խոր մտահոգութիւն յայտնելով հայ-ատրպէյճանական սահմանին ռազմական գործողութիւններուն, այդ թուին՝ Հայաստանի տարածքի հրետակոծման վերաբերեալ:«Արտաքին գործոց նախարարը Ալիեւին յորդորած է դադրեցնել ռազմական գործողութիւնները եւ ընդգծած, որ Միացեալ Նահանգները կը ձգտի ռազմական գործողութիւններու անյապաղ դադրեցման եւ Հայաստանի ու Ատրպէյճանի միջեւ հակամարտութեան խաղաղ կարգաւորման»,- նշուած է խօսնակին տարածած հաղորդագրութեան մէջ: