Կոտայքի մարզպետ Ահարոն Սահակեան ու ՀՀ–ի մէջ Իրանի Իսլամական Հանրապետութեան արտակարգ եւ լիազօր դեսպան Ապպաս Պատախշան Զոհուրիի հանդիպման ընթացքին պայմանաւորուածութիւն  ձեռք բերած են՝ խորացնել յարաբերութիւնները տարբեր ուղղութիւններով:

Պայմանաւորուածութիւններու ծիրին մէջ հայ-իրանական դիւանագիտական յարաբերութիւններու 30-ամեակին, ինչպէս նաեւ՝ երկու երկիրներու մշակութային կապերու հաստատման ծրագիրի ծիրին մէջ ՀՀ Կոտայքի մարզպետարանի եւ Իրանի Իսլամական Հանրապետութեան դեսպանատան սերտ համագործակցութեամբ Ծաղկաձորի Օրբելի եղբայրներու տուն-թանգարանին մէջ տեղի ունեցած է Իրանի Ատրպատական նահանգի Թաւրիզ քաղաքի նկարներու ցուցահանդէս։

Միջոցառման ներկայ էին Հայաստանի մէջ Իրանի դեսպանատան մշակոյթի կեդրոնի ղեկավար Սէյյէտ Հոսէյն Թապաթապայի եւ անոր գլխաւորած պատուիրակութիւնը, ինչպէս նաեւ Կոտայքի մարզպետարանի կրթութեան, մշակոյթի եւ մարմնակրթութեան վարչութեան ներկայացուցիչները, մարզային ենթակայութեան դպրոցներու տնօրէններ, ուսուցիչներ:

Արեւմտեան Հայաստանը դրական կը գնահատէ բարեկամական Իրանի հետ լաւ յարաբերութիւններու հաստատումն ու պահպանումը, քանի որ այն մեր հարեւան ռազավարական  դաշնակիցն է, որ բազմիցս օգնած է տարածաշրջանի բնիկերուն՝ հայերուն, դժուարին իրավիճակներու մէջ: