Սեպտեմբերի 13-ի լոյս 14-ի գիշերը իրադրութիւնը հայ-ատրպէյճանական սահմանին շարունակած է լարուած մնալ։ Մասնաւորապէս՝ Ջերմուկի ուղղութեամբ հակառակորդը կիրառած է հարուածային անօդաչու թռչող սարքեր։ Այս լուրը կը յայտնեն ՀՀ Պաշտպանութեան նախարարութենէն:

Նախորդ օրուան սանձազերծած յարձակումներէն մնացած ուղղութիւններով հակառակ անոր, որ էական միջադէպեր չեն արձանագրուած, սակայն Սեպտեմբերի 14-ին, ժամը 08։00-էն սկսեալ, հակառակորդը, կիրառելով հրետանային միջոցներ, ականանետեր եւ խոշոր տրամաչափի հրաձգային զինատեսակներ, վերսկսած է նախայարձակ գործողութիւնները, մասնաւորապէս՝ Ջերմուկի եւ Վերին Շորժայի ուղղութիւններով։

Փաստացի՝ հակառակ ստեղծուած իրադրութեան շուրջ միջազգային հանրութեան յստակ արձագանքին՝ Ատրպէյճանի ռազմաքաղաքական ղեկավարութիւնը կը շարունակէ Հայաստանի Հանրապետութեան ինքնիշխան տարածքին հանդէպ թշնամական գործողութիւնները, թիրախաւորելով ինչպէս ռազմական, այնպէս ալ քաղաքացիական ենթակառուցուածքները։

Արեւմտեան Հայաստանը կը դատապարտէ բռնազաւթիչ Ատրպէյճանի սադրիչ գործողութիւնները, յորդորելով միջազգային հանրութեան արագ արձագանգել, քանի որ ամէն օր սահմանին նոր մարդկային զոհեր կը գրանցուին, բան մը, որ անընդունելի է։ Ի վերջոյ Ատրպէյճան պէտք է իրեն զսպող յստակ մեխանիզմներուն ենթարկուի։