Արեւմտեան Հայաստանի Բիւրակնի Եայլատերէ գաւառի Քուրզէ գիւղը, ուր  ժամանակին գիւղատնտեսութիւնը, անասնապահութիւնն ու մեղուաբուծութիւնը ծաղկունք կ’ապրէին, 1980թ. ամբողջովին դատարկուեցաւ։ Մինչեւ 2021 թուական այնտեղ մուտք գործելը արգիլուած էր, 2021 թուականին արգելքը հանուեցաւ, որմէ ետք գիւղացիները կրնան կրկին այցելել իրենց յուշերուն մէջ մնացած գիւղը։

31 տարի շարունակ ամայացած Քուրզէ գիւղը  վերածուած է աւերակներու, որուն ճանապարհները նոյնպէս քանդուած են։ Թէեւ պատկան մարմինները կը յայտարարեն, որ գիւղ մուտք գործելն արդէն ազատ է, այնուամենայնիւ ոչ մէկ միջոց կը ձեռնարկեն, որպէսզի մարդիկ կարողանան վերադառնալ այնտեղ։

90-ականներու ճնշումներուն պատճառով ամէնէն շատ թիւով դատարկուած գիւղերու առումով Տերսիմ նահանգը կը զբաղեցնէ առաջին տեղը։

1997 թուականի Նոյեմբերին նահանգապետարանի տարածած արտակարգ դրութեան վերաբերեալ զեկոյցին համաձայն, 1994 թուականին Տերսիմի մէջ տարհանուած է 183 գիւղ, 823 գիւղակ, 8 հազար 439 տնտեսութիւն, տեղահանուած է 41 հազար 939 անձ։

Արեւմտեան Հայաստանը կը շարունակէ արձանագրել նմանատիպ դէպքերը, որոնք ընդհանուր փաթեթով կը ներկայացուին միջազգային տարբեր ատեաններու վրայ։ Ցաղասպանութեան հանդէպ լռութիւնը յանգեցուց 2020 թուականին Արցախեան 44-օրեայ պատերազմին եւ Հայաստանեան սահմանին ծաւալուող ռազմական գործողութիւններուն։