ՄԱԿ-ի Անվտանգութեան խորհուրդը Հինգշաբթի օրը կրկին պիտի քննարկէ իրավիճակը հայ-ատրպէյճանական սահմանին։ Այս լուրը յայտնուած է կազմակերպութեան նիստերու ծրագիրին մէջ։ Քննարկումը նախատեսուած է կայացնել ՄԱԿ-ի մէջ Հայաստանի մշտական ​​ներկայացուցիչի՝ Անվտանգութեան խորհուրդի նախագահին ուղղուած նամակին առնչութեամբ։ Նախօրէին հարցը ներառուած էր նաեւ նիստերու օրակարգին մէջ ՄԱԿ-ի Անվտանգութեան խորհուրդի՝ Ֆրանսայի նախագահութեան խնդրանքով։ Խորհրդակցութիւններն անցած են փակ։ Աւելի ուշ ՄԱԿ-ի մէջ Ռուսիոյ մշտական ​​ներկայացուցիչ Վասիլի Նեպենզիա ըսած էր, որ Անվտանգութեան խորհուրդին մէջ քննարկումներէ ետք իրենք կողմ արտայայտուած  են Պաքուի եւ Երեւանի միջեւ վաղաժամ զինադադարին եւ իրավիճակը քաղաքական ու դիւանագիտական ​​ճանապարհով կարգաւորման։ Անոր խօսքով, Մոսկուա կը պնդէ, որ մամուլի այդ տարրերուն մէջ անպայման յղում կատարուի Ռուսիոյ, Հայաստանի եւ Ատրպէյճանի նախագահներու՝ 2020 եւ 2021 թուականներու եռակողմ յայտարարութիւններուն, որոնք հիմք կը հանդիսանան երկու երկիրներուն միջեւ յարաբերութիւններու կարգաւորման համար, հրադադարի պարտաւորութիւններ եւ  շարք մը  նախագիծեր կը պարունակեն։

Արեւմտեան Հայաստանը դրական կը գնահատէ այս ընթացքին Ֆրանսայի կողմէ ցուցաբերուած հայամէտ պահուածքը։ Ֆրանսայի կառավարութիւնը եւ սենատը այս օրերու ընթացքին կ’աշխատին խռովարար Ատրպէյճանի դէմ զսպող մեխանիզմներ կիրառելու ուղղութեամբ։ Յիշեցնենք, որ մինչև վերջին իրադարձութիւնները Արեւմտեան Հայաստանի Հանրապետութեան նախագահ Արմենակ Աբրահամեան սենատի պատգամաւորներուն հետ աշխատանքներ կը տանէր Արեւմտեան Հայաստանի փաթեթին վերաբերեալ։

Leave a Reply